HAKEEM AFUNGA NDOA SIKU MBILI TU BAADA YA KAKAKE DULLY KUPONDA MAMBO YA NDOA

  Mdogo wa staa wa Bongo Fleva, Abdul Sykes ‘Dully’, Hashim Masokero ‘Hakeem Five’ akijitwalia 'jiko'.

MSHTUKO! Mdogo wa staa wa Bongo Fleva, Abdul Sykes ‘Dully’ ambaye naye pia ni mwanamuziki, Hashim Masokero ‘Hakeem Five’, amefunga ndoa ya kinyemela na mwanadada anayejulikana kwa jina la Janet Stefano Maganga. 
Chanzo makini kilichokuwa kwenye zoezi hilo la kufunga ndoa alfajiri ya Jumamosi iliyopita kilisema kwamba, Hakeem Five alifunga ndoa hiyo kwenye Kanisa Katoliki Mwananyamala, Dar ambapo hakuna mwanamuziki aliyehudhuria.

‘Hakeem Five’ akichukua picha ya ukumbusho na mke wake. “Yaani huyu mwanamuziki amemuoa mtoto wa kaka yake Shija (mwigizaji Deogratius) lakini aliifanya ndoa hiyo kuwa siri kwani hataki wanamuziki wenzake wajue kwamba amefunga ndoa ya Kikristo na ameingia kanisani,” kilisema chanzo hicho