JOHARI AWANYAMBA WAIGIZAJI WANAOKATISHWA VIUNO MBELE YA HADHARA.

Blandina  Chagula  'Johari'  ambaye  ni  mmoja  wa  washiriki  wa  filamu  mpya  ya  Wrong  Hope  amewaponda  wasanii  wa  filamu  wanaokubali  kukatishwa  viuno  mbele  ya  hadhara  na  kueleza  kwamba  kamwe  kwa  upande  wake  hawezi  kufanya  jambo  hilo  hata  kwa  malipo  namna  gani...!!!

"Siwezi  kujidhalilisha  mbele  ya  umati  kwa  kukata  kiuno, ni  ulimbukeni  tu kukata  viuno  mbele  ya  watu, labda  niwe  nimelewa  kiasi  cha  kutojitambua  ndo naweza  kufanya  madudu  kama  hayo," alisema  Johari.

Aidha, Johari  alisema  kuwa  kuna  umuhimu  kwa  wasanii  wa  filamu  kujitambua  na  kufanya  mambo  ya  maana  kwa  jamii  kuliko  kujigeuza  kituko  na  kufanya  mambo  ya  ajabu.

Mrembo  huyo  alihitimisha  kwa  kuwaomba  mashabiki  wake  waipokee  kwa  mikono  miwili  filamu  yake  mpya  ya  Wrong  Hope  itakayotoka  mwezi  ujao  ambapo  ndani  yake  yumo  Mohammed  Nurdin  'Chekbudi'  na  marehemu  Sheila  Haule  'Recho'.