ASHA BARAKA ATOA SOMO VIFO VYA MASTAA UGHAIBUNI!, SOMA ZAIDI HAPA

MKURUGENZI wa Bendi ya The African Stars ‘Twanga Pepeta’, Asha Baraka ‘Iron Lady’ amewaasa wasanii wanaofanya kazi za sanaa nje ya nchi wawe na desturi ya kurejea nyumbani mara kwa mara ili wasisahaulike kwa mashabiki wao.

Mkurugenzi wa Bendi ya The African Stars ‘Twanga Pepeta’, Asha Baraka ‘Iron Lady’.

Akizungumza na gazeti katika mazishi ya  msanii Amina Ngaluma aliyefariki wiki iliyopita nchini Thailand, aliwataka wasanii wote wanaofanya kazi za sanaa nje ya nchi wawe wanarudi nyumbani maana kifo hicho kimetoa somo kwa upande mwingine.
“Unajua Amina amekaa sana nje ya nchi bila kurudi nyumbani na kufanya shoo katika kumbi za nyumbani ndiyo maana hata wanamuziki wachanga wanashindwa kumtambua vizuri, wabadilike,” alisema Asha Baraka.