THEA, MIKE SASA MAHABA KWENDA MBELE, MWENDO WA NILISHE NIKULISHE BABY.

Mike Sangu akimlisha chakula mkewe kwa mahaba.

Ndoa ya mastaa wa filamu Bongo, Mike Sangu na Ndumbagwe Misayo ‘Thea’ inaonekana kurudi na nguvu ya aina yake baada ya wawili hao hivi karibuni kunaswa wakidhihirisha kwamba, licha ya yanayotokea, wanapendana kinomanoma.

Hivi karibuni wanandoa hao walinaswa kwenye mnuso ulioandaliwa na msanii mwenzao, Steven Mengere ‘Steve Nyerere’ ndani ya Great Wall Restaurant iliyopo Oysterbay ambapo kila wakati waliwarusha roho wenzao kwa kuwaonesha ‘mahaba niue’ na ulipofika muda wa chakula ilikuwa ni mtindo wa nilishe nikulishe.

Akizungumzia mwenendo wa ndoa yao kwa sasa baada ya kuishi mbalimbali kwa muda mrefu, Mike alisema: “Sasa nafarijika sana kuwa karibu na mke wangu, hapa tunarejesha mapenzi yetu, kwa kifupi ndoa yetu ni mpya na tamu kuliko watu wanavyodhani.”