HII NI LAANA 100%, ANGALIA MWENYEWE UFIRAUNI HUU

SHOO za wanawake wanaokata nyonga kwa kuonesha maungo yao nyeti hadharani, zinazidi kutikisa jijini Dar es Salaam zikielezwa kwamba zimejaa laana kwa asilimia 100, Ijumaa Wikienda lina ripoti ya kushtua.
Uchunguzi wa gazeti hili umebaini kwamba, katika wilaya tatu za Jiji la Dar, Kinondoni, Ilala na Temeke, kuna makundi matatu ya wanawake maarufu wanaosifika kwa kufanya shoo za kuonesha nyeti zinazosababisha mazingira hatarishi kwa kuchochea ngono.

Imefahamika kwamba, kabla ya kupanda stejini kufanya shoo mbalimbali wanazoalikwa, wanawake hao huloanisha khanga nyepesi kwenye maji ambazo huzitinga zikiwa hazijakauka hivyo kugandiana mwilini na kuonesha sawia nyeti zao.
Uchunguzi huo pia unabainisha kwamba, ndani ya khanga hizo huwa hawavai nguo nyingine hivyo wakati wa kukata mauno, hujifunua kihasara hasara na kuacha ‘mambo’ yote hadharani.

Ikaelezwa kwamba, wanawake hao waliojaliwa maumbile yenye mvuto na makubwa hasa sehemu za nyuma, hukodishwa na waandaaji wa shoo mbalimbali za muziki hasa mipasho ili kuongeza idadi ya mashabiki kwani wanapendwa zaidi na wadau wa burudani Bongo.

Imefahamika pia kwamba, mbali na kujifunua wakati wa kukata nyonga, hulala chini na kukatika kwa hisia, jambo linalosababisha waume za watu wanaokuwa wamehudhuria shoo hizo kuwamwagia fedha na sifa kuwa ni wakali na kutamani kuwa nao faragha.
Imebainika kwamba, kundi tishio ni lile la Kinondoni liitwalo Khanga Moko Ndembendembe ‘Laki si Pesa’ ambalo linaundwa na wanawake zaidi ya sita.

Usiku wa kuamkia Jumamosi iliyopita ndani ya Ukumbi wa Equator Grill Mtoni Kwaazizi Ali, Dar, kundi hilo lilifanya shoo ya aibu kama kawaida yake na kusababisha watu wenye heshima zao kushindwa kuwaangalia ambapo kulikuwa na fainali ya kumsaka Miss Kurasini 2011/12.

Ilidadavuliwa kwamba, kundi lingine tishio kwa kucheza nusu utupu ni lile la Ilala linalokwenda kwa jina la Kitu T linaloundwa na wanawake watano ambalo hucheza kwa kuonesha makalio na kuhamasisha mapenzi ya ‘kuruka ukuta’.
Uchunguzi huo pia ulibaini kwamba, Temeke kuna kundi la ‘sampuli’ hiyo linaloitwa Kitu Kimba ambalo lina wanawake zaidi ya watano waliojiajiri kwa kufanya shoo za kuonesha nyeti hadharani.

MREMBO AJIFANANISHA NA KHANGA MOKO
Katika kuonesha shoo hizo zinazidi kuchukua kasi, mrembo mmoja (jina halikupatikana) anayedaiwa kuwa ni mwanafunzi wa Chuo cha Ustawi wa Jamii Kijitonyama, Dar, mwishoni mwa wiki iliyopita alijifananisha na wanawake hao baada ya kufanya shoo ya laana ukumbini.

Tukio la mrembo huyo la kucheza kwa kuonesha nyeti hadharani lilijiri ndani ya Ukumbi wa New Ten Star Lounge Social Sinza, Dar ambapo kulikuwa na fainali ya kumsaka Miss Ustawi wa Jamii 2011/12.

Mrembo huyo alishuhudiwa akipagawa ‘mdogomdogo’ ambapo alifikia hatua ya kumpandia stejini msanii wa Bongo Fleva, Albert Mangwea ‘Ngwair’ kisha akaanza kukatika kwa kulala chini kama wafanyavyo wanawake wa Khanga Moko.
MASTAA TISHIO
Uchunguzi wa gazeti unaweka wazi kwamba, pamoja na kukemewa kila kukicha juu ya uvaaji wao wa kuacha matiti nje, mastaa wa tasnia mbalimbali Bongo wamekuwa ni sikio la kufa ambalo kwa kawaida huwa halisikii dawa.

Baadhi ya mastaa hao ni pamoja na mwimbaji wa Mipasho, Aisha Ramadhani ‘Isha Mashauzi’ na mnenguaji wa FM Academia ‘Wazee wa Ngwasuma’, Suzane Chubwa ‘Queen Suzy’.

Wengine ni staa wa filamu na Bongo Fleva, Baby Joseph Madaha na msanii wa filamu za Kibongo, Zuwena Yusuf Mohamed ‘Shilole’.