UZEMBE…uzembe…uzembe ndiyo kauli ambayo ilitolewa na
wananchi walioshuhudia ajali mbaya iliyohusisha magari mawili ya abiria
(daladala) aina ya Toyota-Coaster maeneo ya Lugalo jijini Dar na
kusababisha vifo vya watu sita na wengine 16 kujeruhiwa vibaya.
Uhalisia
wa ajali iliyotokea Jumamosi (Juni 21, 2014) na kusababisha vifo vya
watu sita na wengine 16 kujeruhiwa vibaya maeneo ya Lugalo.
Ajali hiyo ilitokea juzi Jumamosi (Juni 21, 2014) ambapo kwa mujibu
wa mashuhuda, chanzo kimetajwa kuwa ni uzembe wa dereva wa daladala
iliyokuwa ikitokea Tegeta kwenda Mwenge ambayo ilichepuka na kuingia
katika ‘saiti’ ya wanaokwenda Tegeta, ikaigonga ubavuni daladala
nyingine iliyokuwa ikielekea Tegeta.
Baadhi ya miili ya watu waliopoteza maisha katika ajali hiyo.
“Dereva wa Coaster lililotokea Tegeta
alikuwa spidi kuelekea Mwenge, alipoona kuna foleni katika upande wake,
akachepuka ghafla kwenye maungio ya barabara na kulivaa ubavuni Coaster
lililokuwa likielekea Tegeta,” alisema shuhuda huyo.
Baadhi ya ndugu wafiwa waliofika kutambua miili ya ndugu zao waliopoteza maisha katika ajali hiyo.
Kamanda wa Polisi Mkoa wa Kipolisi Kinondoni, ACP Camillius Wambura
alithibitisha kutokea kwa ajali na kueleza kuwa watu 6 walifariki papo
hapo na wengine 12 kujeruhiwa, akaongeza kuwa uchunguzi zaidi juu ya
tukio hilo unaendelea.
Madereva wa magari yote mawili walidaiwa kutoweka kusikojulikana muda
mfupi baada ya ajali hiyo kutokea huku baadhi ya miili pamoja na
majeruhi hao wakipelekwa katika Hospitali ya Lugalo.
No comments:
Post a Comment