KIFAHAMU WANACHO KIFUATA WANAUME ZA WATU NYUMBA NDOGO!

RAFIKI zangu, karibuni tena uwanjani kwa ajili ya kuongeza ujuzi katika maisha yetu ya uhusiano. Ndugu zangu, maua usipoyamwagilia maji na kuyatia mbolea yatakauka na kudumaa. 

Hata mapenzi nayo ni hivyo hivyo, lazima kila siku upate wasaa wa kujifunza kuwa bora zaidi kwa mpenzi wako. Nasema hivyo kutokana na ukweli kwamba, maisha yetu yametawaliwa  zaidi na mapenzi. Utaishi na mpenzi wako katika ndoa, kuzaa naye watoto na mambo mengine mengi. Ikiwa utashindwa kuishi na mwenzi wako ni wazi kwamba kila kitu katika maisha yako hakitaenda vyema. Hivyo basi, ni wajibu wetu kujifunza kila kukicha juu ya mapenzi.
 

Wiki mbili zilizopita, nilianza sehemu ya kwanza ya mada hii kama inavyoonekana hapo juu, lakini wiki jana niliiacha kiporo kupisha mada iliyohusu Sikukuu ya Valentine, ilikuwa mada nzito, iliyosindikizwa na Love Messages kali zilizoongeza nakshi katika sikukuu hiyo. Pia nilitoa somo (kwa njia ya simu) la namna ya kufanya bonge la massage ya kimahaba kwa mwandani wako.. Tutaendelea.