HII NDIO JEURI NYINGINE YA DIDA!

Zimemtembelea! Prizenta wa Kipindi cha Mitikisiko ya Pwani kinachorushwa na Radio Times FM, Hadija Shaibu ‘Dida’ ameonesha jeuri nyingine ya fedha baada ya kununua magari mengine mawili kwa mpigo.

Hadija Shaibu ‘Dida’ akiikagua gari yake.

Dida amefanya kufuru hiyo ikiwa imepita miezi kadhaa tangu atangaze kuwa ana nyumba mbili maeneo ya Goba na Kigamboni pamoja na kuyaanika magari manne anayomiliki (Toyota Verossa mbili, Toyota Noah nyeusi na Toyota Vitz.)
Akizungumza na Ijumaa Wikienda, rafiki wa karibu wa Dida aliyeomba hifadhi ya jina alisema ameshtushwa na kitendo cha shosti wake huyo kununua magari mawili kwa mpigo kiasi cha kumfanya ahisi kuna biashara nyingine anaifanya tofauti na utangazaji.

Prizenta wa Kipindi cha Mitikisiko ya Pwani, Hadija Shaibu ‘Dida’ akipozi kwenye gari yake mpya.

“Kanunua magari mawili, Toyota Noah na Toyota Brevis New Model. Yaani hata sisi mashosti zake anatufanya tuhisi labda anafanya ile biashara ya unga kama watu wanavyohisi.
“Ni kweli anafanya biashara zake lakini ndiyo apate fedha za kuonesha jeuri hiyo? Ila kama ni kupambana na maisha, sasa hivi anapambana kikwelikweli, hata akijiita Boss Lady ni sahihi kabisa,” alisema mtoa habari huyo.

Gari jingine la ‘Dida’ aina ya Toyota Noah.

Baada ya kupata taarifa hizo, mwandishi wetu alimtafuta Dida ili kujua ukweli wa magari hayo, alipopatikana alifunguka:
“Siwezi kujiita Boss Lady kimdomomdomo tu, huwa napenda kufanya kitu watu ndiyo waseme, nimeongeza magari mengine mawili. Moja ni Noah kwa ajili ya biashara zangu na lingine ni Toyota Brevis la kutembelea,” alisema Dida aliyetengana na mumewe, Ezden Jumanne siku chache zilizopita.

Read more >>

DIDA AFUNGUKA MANENO MAZITO: SIMU NDIO CHANZO CHA KUACHANA NA EZDEN, 'ALINICHAPA MIKANDA', PIA AZUNGUMZIA MPANGO WA NDOA NYINGINE

Dida Shaibu, mtangazaji wa kipindi cha Mitikisiko ya Pwani amefunguka Exclusively kupitia Sunrise ya 100.5 Times Fm  inayoongozwa na Fadhili Haule na kueleza chanzo cha ndoa yake  na Ezden ‘The Rocker’ Jumanne kuvunjika. Ndoa iliyodumu kwa muda wa mwaka mmoja tu.

Dida ameeleza kuwa mzizi wa tatizo lililopelekea ugomvi mkubwa kati yao ni simu ya mkononi ya mumewe huyo wa wazamani baada ya kutaka kuitumia kucheza game na kugundua kuwa imewekewa password kwa mara ya kwanza katika uhusiano wao.

 “Tatizo kubwa la ugomvi wangu na X-Husband, tatizo kubwa lilikuwa ni simu. Nakumbuka ilikuwa siku ya Jumatano tumetoka kazini. Tukawa tuko kawaida, unajua sisi huwa tunataniana sana. Kwa hiyo aliacha simu yake kitandani, unajua mimi huwa nacheza game kupitia simu yake. Kwa hiyo mimi nikachukua simu yake nikakuta ameweka password kitu ambacho sio cha kawaida. Kwa hiyo mimi ikabidi nimuulize…nikamuita, tulikuwa tunaitana ‘mshikaji wangu mshikaji wangu’. Kwa hiyo alikuwa yuko bafuni anaoga, kwa sababu nyumba ni self-contained, kwa hiyo nikawa namwambia ‘duh mshikaji wangu mbona umeweka password?’ yaani kama utani tu, akaniamba ‘aah we iache simu yangu’.” Dida ameiambia Sunrise ya Times Fm

Amesema Ezden alishikilia msimamo wake kutomuonesha password kitu ambacho kilimpa hisia na wasiwasi kuwa huenda jamaa anamsaliti (anamichepuko) ameficha kupitia simu hiyo na kuanza kuongeza nguvu ya kuomba apewe password ili aondoe wasiwawasi wake lakini hakufaulu zoezi hilo.

Ameiambia Sunrise ya 100.5 Times Fm kuwa kitu kilichomfanya afikirie kuwa ameonewa kwa kunyimwa password ni uhuru aliokuwa nao mumewe huyo wa zamani kupitia application za kidijitali.

Amesema Ezden alikuwa na uwezo wa kuona kila kinachofanyika kwenye simu ya Dida hata  kupata jumbe zinazoenda kwenye simu ya Dida kabla mwenyewe hajazipata
“Simu yangu anauwezo wa kushika akakaa nayo, simu yangu anaweza kushika akadownload vitu vya kuweza kufatilia Dida anaenda wapi, Dida anafanya nini. Messages zangu za WhatsApp alikuwa anaweza kupata yeye kabla yangu mimi. Na kingine kikubwa ni kwamba alikuwa anaweza kudownload maongezi ambayo naongea na watu. Lakini hajawahi kukuta maongezi mabaya na watu….Nikiwa Kawe simu yake inamuonesha kuwa Dida yuko Kawe.” Ameeleza.

Hata hivyo, ametaja kuwa wasiwasi wa mumewe huyo wa zamani na mabadiliko yake katika matumizi ya simu yalitokana na ujumbe ambao alikuwa ametumiwa na mwanaume ambaye kwake yeye ni mteja.

Lakini ujumbe huo haukueleweka vizuri kwa sababu kuna kitu anadhani kilimiss kwenye ujumbe huo kilichosababisha ieleweke tofauti (Kama mtu anaechepuka nae).

Ameeleza kuwa alipoendelea kuomba zaidi password na hali ya kutoelewana kuongezeka akajikuta akipigwa vibao na hapo mambo yakazidi kuwa mabaya kwenye uhusiano huo.

“Alinipiga kibao, sio kibao tu, Vibao vya uhakika….baada ya kupigwa mimi nilishikwa na hasira kwa sababu alinipiga na baadae akaona kibao hakitoshi. Akachukua mkanda, mkanda huu wenu wa suruali lakini ulikuwa mzito akawa ananichapa nao ‘kwa nini unataka kupishika vitu vyangu’.

Anasema kutokana na kipigo hicho aliumia kichwani na kuelekea hospitali, lakini aliporudi nyumbani alikuta mwenzake ameshachukua vitu vyote alivyokuwa anavimiliki (alivyoenda navyo).

Alipoulizwa nani alimuacha mwenzake:

“Sitaki kusema nani kamuacha mwenzake kwa sababu mimi ndiye niliomba divorce. Katika maisha ya mwanadamu wanasema mwanamke hauwezi kumuacha mwanaume ila mwanaume anaweza kumuacha mwanamke. Lakini mimi nahisi kama tumeachana.”

Katika hatua nyingine, Dida aliulizwa kuhusu mpango wake wa baadae katika uhusiano wake kama ana mpango wa kuolewa tena.  Alisema hana mpango huo kwa sasa.

“Kwa sasa sina mpango wowote wa kuhusiana na suala la ndoa. Yaani sina na sitegemei. Na kama kuna mtu anafikiria kwa sababu napata maombi mengi sana. Washindwe na walegee. Kwamba labda naweza kusema mwenyezi Mungu amenijalia kuwa nabahati hiyo…Sio kupendwa yaani tuseme, unajua binadamu anakupenda mwingine anakujaribu. Sasa hivi watanifuata wanaume wengi sana kila mmoja atakuja kwa sampuli anayoijua yeye. Huyu atajifanya yeye ndiye ana mahaba kuliko Yule. Mwingine anasema ‘atapigaje mwanaume?’ kumbe yeye ndiye mdundindaji kwelikweli kuliko hata yule.

“Sitaki kuja kujutia maisha yangu, sitaki kuja kujutia maamuzi yangu. Huwa nafanya kitu kwa kuangalia mbele zaidi. Mimi nina biashara zangu, nina maisha yangu. Namshukuru Mungu amenijalia mtoto mmoja. Kwa hiyo nahitaji mtoto wangu awe na maadili fulani hivi ambayo ya kusema kwamba huyu ni mama..nahitaji kumsomesha, nahitaji awe hivi. Lakini sitaki mwanangu asipate matatizo haya ambayo labda mama yake nimepitia. Lakini hii yote nasema ni ujasiri. Nasema Mwenyezi Mungu labda ananionesha njia.”
Source:Times FM

Read more >>

SHEKHE AWAVAA DIAMOND,WEMA & DIDA!

Shehe Mkuu wa Mkoa wa Dar es salaam, Alhad Mussa Salum (pichani kushoto), amewavaa baadhi ya mastaa Waislamu wa Kibongo wenye kaunta zenye pombe majumbani mwao hasa kwa kipindi cha Mwezi Mtukufu wa Ramadhani huku akiwataka waondoe mara moja kwani ujana unawasumbua, Ijumaa lina ripoti kamili.

Shehe Mkuu wa Mkoa wa Dar es salaam, Alhad Mussa Salum

WAMO DIDA, WEMA & DIAMOND
Uchunguzi wa gazeti hili umebaini kwamba baadhi ya mastaa Waislamu wenye kaunta zenye pombe majumbani mwao kuwa ni pamoja na Mtangazaji wa Radio Times FM, Hadija Shaibu ‘Dida’, staa wa sinema za Kibongo, Wema Isaac Sepetu ‘Beautiful Onyinye’ na msanii wa Bongo Fleva, Nasibu Abdul ‘Diamond Platnumz’.
Akizungumza na Ijumaa mapema wiki hii jijini Dar es Salaam, Shehe Salum alisema kwamba, kwanza ameshtushwa na habari ya hao wanaojiita mastaa kuwa na kaunta za pombe majumbani kwao kwani ni habari ngeni masikioni mwake na kusema kuwa kwa semina wanayoipata mwezi huu hawatakiwi kutenda maovu.

Msanii wa Bongo Fleva, Nasibu Abdul ‘Diamond Platnumz’.

WANAPASWA KUOMBA DUA
Alisema kuwa mastaa hao wanapaswa kuutumia Mwezi Mtukufu wa Ramadhani kusoma Quran, kuomba dua na kuacha maovu yote.
“Hao mastaa wenye kaunta wanatakiwa kuacha na kuondoa kabisa kwani Ramadhani imeletwa kwetu kama semina na hatutakiwi ikiisha turejee kule tulipokuwa.
“Mafunzo ya Mwezi Mtukufu wa Ramadhani maana yake tujifunze na tuachane na kule tulikotoka, hivi kwa nini wasijiulize mastaa wenzao wako wapi kwa mfano Sharo (mchekeshaji Sharomilionea) na wengine waliotangulia mbele ya haki?
WANAKULA UJANA?
“Wasijidanganye na ujana walio nao, wakikutwa na mauti, mbele ya haki watasema nini?
“Nawaasa kutorudi nyuma na kujifunza kwelikweli namna ya kuishika dini na nguzo zake,” alisema shehe huyo.

Baa ya ndani ya Nasibu Abdul ‘Diamond Platnumz’.

SWAUMU ZAO VIPI?
Shehe mmoja aliyeomba hifadhi ya jina lake anayeswalisha katika msikiti uliopo Sinza jijini Dar alisema:
“Kiukweli kabisa pombe ni haramu na hatutakiwi  kuikaribia hata kidogo. Hawa ambao wamefikia hatua ya kuwa na kaunta za pombe majumbani kwao, wanakosea sana.
“Kwa mfano mwezi huu mtukufu kama wanafunga, si kwamba hawapati thawabu, wanapata ila kwenye kuikaribia pombe, watakuwa wanapata dhambi.
“Kwa hiyo unaweza kuwa umefunga lakini ukashangaa mpaka mwezi umeisha thawabu zako zimepungua kutokana na mambo mengine yanayokufanya upate dhambi.”

Mtangazaji wa Radio Times FM, Hadija Shaibu ‘Dida’,

DIDA ANASEMAJE?
Baada ya Shehe Salum kuwavaa mastaa hao, gazeti hili lilimsaka mmoja baada ya mwingine.
Alipopatikana, Dida ambaye ni binti wa Kiislamu mwenye kaunta ya pombe nyumbani kwake, Mwananyama, Dar alikuwa na haya ya kusema:
“Ni kweli mimi nina kaunta ndani kwangu lakini kwa mwezi huu hata mimi naichukia sana pombe na sipendi kabisa kuiona pamoja na kwamba sijui sana sheria za dini japo ni muhimu kuzijua nguzo zake.
“Hata mimi kama binti wa Kiislamu kwa mwezi huu mtukufu sinywi pombe na hiyo kaunta ni kwa ajili ya wageni wangu wanaonitembelea.”

Staa wa sinema za Kibongo, Wema Isaac Sepetu ‘Beautiful Onyinye’

NYUMBANI KWA DIAMOND
Wiki mbili zilizopita ishu hiyo ilitibua futari nyumbani kwa Diamond maeneo ya Sinza-Mori, Dar hivyo kulazimika kuondoa pombe kali zilizokuwa zimejazwa kwenye kaunta.

WEMA VIPI?
Kwa upande wake Wema ambaye ukiingia kwake kitu cha kwanza unakutana na kaunta ya pombe na vinywaji vingine alipotafutwa ili kuzungumzia ishu hiyo, simu yake ya kiganjani iliita bila kupokelewa.

Read more >>

DIDA, KAMA VIPI AMUA KUWAPOTEZEA, KWANI HAWANA ISHU

KHADIJA Shaibu ni msichana anayefanya kazi kama yangu, yaani mwandishi, ingawa yeye yupo redioni. Kwa tulio katika fani kitambo kidogo, inakuwa rahisi zaidi kumfahamu kwa ile a.k.a yake, Dida wa Mchops. Hii ilitokana na ndoa yake ya kwanza.
Ni mdada anayeuacha usichana. Kikazi, Dida ni mzuri sana akiwa nyuma ya mic, hasa anapokuwa kwenye kile kipindi chake kilichompatia umaarufu mkubwa, cha Mitikisiko ya Pwani ndani ya Times FM, moja kati ya vituo vya redio vinavyofanya vizuri Tanzania.
Ingawa nina marafiki kadhaa watangazaji wa redio na televisheni, Dida si miongoni mwao. Hata hivyo, hii hainifanyi nishindwe kutambua na kuenzi uwezo wake, mashabiki wa muziki, hasa wa taarab, wanatambua ninamaanisha nini ninaposema kuhusu uwezo wake wa kuwalisha wasikilizaji wake kile wanachokitaka.
Nje ya kazi, Dida ni binadamu. Niwe mkweli, sijawahi kukutana na huyu dada, zaidi ninamuona kwenye tv, magazeti na mitandaoni tu. Lakini hata hivyo, ninajua kwa kiasi chake kuhusu sarakasi zake nje ya uwanja. Ni mtafutaji mzuri.
Ninahitaji sana kuzungumza na Dida kwenye eneo moja ambalo limempatia umaarufu mkubwa, la maisha yake ya kimapenzi. Sina uhakika hasa na umri wake kwa sasa, lakini kwa kumtazama, ni dada ambaye yupo njiani kuelekea miaka 40. Kwa maisha haya ya kila siku afadhali jana, si haba, yampasa kumshukuru Mungu kwani wengi waliishia njiani.
Kumbukumbu rasmi zinaonyesha Dida ameolewa na kuachika mara tatu. Baada ya ndoa yake ya kwanza  na Mohamed Mchopanga kuvunjika, alijaribu kwa Gervas Mbwiga na kushindwa kabla ya kuanguka tena katika ndoa yake ya tatu kwa Ezden Jumanne.
Nimewahi kusema mara nyingi kuwa ndoa ni fumbo kubwa, ambalo wenye uwezo wa kulifumbua ni wanandoa wenyewe. Wao ndiyo wanajua, kama hawaongei, kama wanalala mzungu wa nne, kama hawawapendi ndugu zao na kadhalika kwa sababu hayo yote yanapatikana katika ndoa.
Linapotokea tatizo katika ndoa ya mtu, usikimbilie kuhukumu, huwezi kujua, kaa kimya. Lakini inapokuja kuwa kama ilivyo kwa Dida, ni lazima uhisi uwepo wa tatizo upande wake. Haiwezekani, ndani ya miaka kumi ukawa na ndoa tatu zote zikikukataa.
Huenda kwa vile anaolewa na vijana wenzake? Hapana! Mumewe wa kwanza alikuwa mtu mzima na hata hawa wengine wawili, ujana una dhambi gani katika ndoa? Mbona kuna vijana wengi tu wamedumu katika ndoa zao?
Ninataka kumpa ushauri mdogo wa bure dada yangu Dida. Ninavyodhani, anachanganya maisha ya ndoa na ustaa. Yes, Dida ni staa, popote anapokwenda, ana-hang out na mastaa na pia anakaa nao jukwaa moja.
Wanawake wengi ni dhaifu wa ustaa, unawadanganya kwamba wanaweza kuwa juu ya wapenzi au waume zao, ndiyo maana unaona kuna ndoa chache sana za hawa mastaa zinazodumu. Kwa sababu ya ustaa wao, wanataka wajipangie ratiba zao, wafanye mambo yao kama wanavyotaka.
Ndiyo maana wanaume, hasa wa Kiafrika, wanaogopa kuwaoa mastaa, ni wasumbufu na wenye dharau, hasa kama watakuwa na vijisenti kidogo. Utamaduni wetu unakataa mambo haya, kwetu, mume ndiye kiongozi wa familia, hata kama utandawazi unajaribu kumpunguzia nguvu zake.
Ndoa yataka uvumilivu.
Lady Jaydee ni staa, mwenye jina na fedha pengine kuliko Dida, lakini hivi sasa anakimbiza mwaka wake wa kumi katika ndoa yake na staa mwenzake, Gardner G Habash.
Unadhani hawa hawana matatizo? Wanayo, lakini wanavumiliana, leo kikinuka, siku mbili tatu baadaye wanawekana sawa, wanasahau! Dida atafanya jambo la maana sana akiamua kuachana na ndoa kwa sababu nina uhakika hatampata mwanaume wa dizaini ya Bushoke, lakini anaweza kufurahia maisha ya kimapenzi bila kuolewa, kwani atakuwa huru kujiamulia anavyotaka!

Read more >>

HIZI NDIO PICHA ZA KIPIGO CHA DIDA ALICHOSHUSHIWA

Picha zinazoonyesha jinsi mtangazaji wa kituo cha Redio cha Times, Khadija Shaibu alivyochezea kichapo kutoka kwa mumewe, Edzen Jumanne zimevuja.

Majeraha katika mwili wa Dida baada ya kipigo kutoka kwa mumewe Ezden.

Picha hizo zinamuonesha Dida akiwa na majeraha makubwa sehemu mbalimbali za mwili wake ikiwemo mkononi, kichwani na mapajani.

Dida.

Akizungumzia kipigo hicho hivi karibuni, Dida alidai kuwa, baada ya kutofautiana kufuatia wivu wa kimapenzi, mume wake huyo baada ya kumporomoshea mitusi, alichukua mkanda wa suruali na kumpiga nao hadi kumsababishia majeraha hayo hali inayomfanya muda mwingi avae kininja kuficha aibu.

Dida akionyesha majeraha aliyoyapata.

Mpaka sasa wawili hao kila mmoja kivyake huku ndoa ikielezwa kuwa haipo tena.

Read more >>

JOKATE: AKU MIE, SIJAVUNJA NDOA YA DIDA

Mtangazaji wa Kipindi cha The One Show, Jokate Mwegelo ‘Jojo’ amefunguka kuwa hahusiki na kuvunjika kwa ndoa ya Khadija Shaibu ‘Dida’ kwani ni mshikaji wake na wanaheshimiana.

Mtangazaji wa Kipindi cha The One Show, Jokate Mwegelo ‘Jojo’.

Akijibu tuhuma kuwa, yeye anahusika na kuparaganyika kwa ndoa hiyo kufuatia ‘ku-fall in love’ kwa mume wa Dida, Edzen Jumanne ambaye ni mtangazaji mwenzake, Jokate alisema:

'Dida' akiwa na Ezden.

“Yaani watu wanapenda kuungaunga maneno kweli, jamani mimi siwezi hata siku moja kuwa na Edzen, ni mfanyakazi mwenzangu halafu Dida ni mshikaji wangu siwezi kabisa, tena wasitake kunitibulia.”

Read more >>