BONGO MOVI BADO KUNA FUKA MOTO, HUU NI UJUMBE MZITO ALIOANDIKA STEVE NYERERE

Aliyekuwa mwenyeketi Bongo movie na baadae kujivua gamba Steve Nyerere Jana ameandika ujumbe mzito kupitia ukurasa wake wa Facebook usome hapo chini kwenye picha yake.. Nadhani ndani ya Bongo movie kuna tatizo kubwa linafukuta

Read more >>

BIFU LA STEVE NYERERE NA MTITU LAFIKA PABAYA!

MWENYEKITI wa Klabu ya Bongo Movie Unity, Steven Mengere ‘Steve Nyerere’ na katibu wake, William Mtitu wamefika pabaya kwa kudaiwa kushindwa kusalimiana huku kila mmoja akificha sura asikutane na mwenzake.

Tukio lililodhihirisha kuwa wawili hao hawaivi, lilichukua nafasi juzikati katika Viwanja vya Leaders Club vilivyopo Kinondoni jijini Dar, kulipokuwa na uzinduzi wa filamu iliyokwenda kwa jina la Mateso Yangu Ughaibuni.

Mwenyekiti wa Klabu ya Bongo Movie Unity, Steven Mengere ‘Steve Nyerere’

Wakati shamrashamra za uzinduzi zikiendelea, paparazi wetu aliwashuhudia wawili hao wakiombwa wapige picha kwa pamoja ambapo hakuna aliyekuwa tayari kutimiza zoezi hilo, wakachengana kwa kila mmoja kuchukua njia yake.

Wakizungumza na paparazi wetu, baadhi ya mastaa walioshuhudia kituko hicho, walisema Steve Nyerere na Mtitu wanatakiwa wakae pamoja wamalize tofauti zao hata kama mmoja wao hatorudi katika kiti chake cha uongozi lakini kwa heshima waliyojijengea katika tasnia ya filamu hawapaswi kuwa na mabifu.

Mkurugenzi wa Kampuni ya 5 Effects Movies Ltd, William Mtitu ndani ya Global.

“Sasa hawa ndio nini wanachokifanya? Wanaombwa kupiga picha ya pamoja kila mtu anatoa sababu zake lakini sidhani hizo sekunde kadhaa za kupiga picha zinaweza kuharibu ratiba zao,” alisikika muigizaji mmoja hivi maarufu.
Baada ya kupata maelezo hayo kutoka kwa muigizaji huyo aliyeomba hifadhi ya jina, paparazi alimvaa Mtitu na kumuuliza kulikoni kugoma kupiga picha na mwenyekiti wake ambapo alijibu kuwa hakujua kama anatakiwa kufanya hivyo.
“Siwezi kugoma hata siku moja kwani mimi nina uhuru wangu vilevile sikujua kama wapiga picha wanataka picha yetu ya pamoja,” alisema Mtitu.Kwa upande wake Steve, alipoulizwa kuhusiana na tukio hilo, alijibu kwa mkato akionesha kulipuuza.“Achana na hayo mambo kuna mengi ya kufanya,” alisema Steve Nyerere.

Read more >>

SAKATA LA USHOGA LAMGEUKIA STEVE NYERERE KWA MADAI KUWA YEYE NI SHOGA

Mwenyekiti wa bongo movie Unity, Steve Nyerere amechukizwa na watu wanaotumia mitandao vibaya na kwa kumzushia kuwa ni shoga. 
Steve Nyerere kupitia akaunti yake ya facebook ameandika: 
Napenda kuchukua fursa hii kuongea machache na kama mtaboa mtu naomba samahani najua binadamu tumezaliwa tofauti sana kuna wale wanaogopa zambi na kunawale wanopenda zambi mimi daima nasema izo ni changamoto tuuu ok nimepata taarifa umu umu kwenye mitandao yetu ya kijamiii hususani huuu kwamba kuna binti anaitwa zainab ananichafua na kuniandika mambo ambayo ayana tija kwangu. Nazani ata kwake kwamba mimi shoga anauhakika hahahahaha nimecheka sana kupata izi taarifa nataka kuwapa taarifa ndugu zangu kuna msemo unasema mti wenye matunda ndio unaopigwa mawe na mkanya mara moja aache mara moja kwani naimani anapoteza muda tu habari hizo si zakweli kabisa ila namtakia laheli kwahili jambo analonitendea mimi nasema namwachia mola akumbuke nafamily mke na watoto mama dada zangu kiukweli najisikia vibaya sana mi nasema asante”.

Baada ya kuandika kauli hiyo, Steve Nyerere ameuambia mtandao wa bongo5 kuwa kuna watu wameamua kumchufua baada ya kujionyesha wazi kwenye siasa. 
“Watu wananitumia meseji mbaya, eti mimi nimetumwa na viongozi, mara sijui mimi ni shoga, jamani hakuna mambo kama hayo, nawataka watanzania wajue hayo ni mambo za uzushi, sijui ata yametoka wapi” Alisema Steve Nyerere

Read more >>

WASANII WA BONGO MOVIE WAPIGANA WAKIMGOMBEA STEVE NYERERE

Imevuja! Mastaa wawili wa kike Bongo Muvi, Vivian Minja na Najma wanadaiwa kutoleana maneno machafu kisha kuzichapa kavukavu chanzo kikidaiwa eti walikuwa wakimgombea Mwenyekiti wa Klabu ya Bongo Movies, Steven Mengere.

Staa wa kike Bongo Muvi, Najma akiwa pembeni ya JB.

Kwa mujibu wa chanzo chetu, Vivian na Najma walifanya yao kwenye hafla ya chakula cha usiku waliyokuwa wamealikwa na Steve iliyofanyika kwenye Mgahawa wa Great Wall ulipo Masaki, Dar.
Ilidaiwa kuwa wawili hao walianza kama utani lakini mambo yalipokolea, walijikuta wakipaza sauti kabla ya kudundana huku wakimtaja Steve Nyerere kuwa wote ni watu wake.
“Jamani Vivi na Najma wanagombea nini? Hapa kuna watu wanaojiheshimu, wao hawaoni wanadhani wako kwenye Viwanja vya Leaders (Kinondoni)” alisema mmoja wa waalikwa aliyekuwa eneo la tukio.
Baada ya kunyetishiwa ishu hiyo, wanahabari wetu walimwendea hewani Vivian ambaye alikiri kutokea kwa ugomvi lakini hakupigana.

Staa wa kike Bongo Muvi, Vivian Minja(kulia) akiwa na Davina.

“Kweli ugomvi ulitokea, kwani maelewano yalivurugika kidogo na sababu kubwa ilikuwa ni Najma kutajataja jina langu lakini mambo ya kumgombea Steve si kweli watu wamezusha,” alisema Vivian.
Kwa upande wake Najma alikuwa na haya ya kusema: “Vivi ndiye aliyeanza kunitukana na mimi sijazoea kugombana na watu kwa sababu ninajiheshimu, nikawa namfuata watu wakanishika, mimi sijawahi
kutembea na Steve na siwezi kutembea naye, ninajua vizuri tabia za Bongo Movie za kuzungukana wao kwa wao, siwezi kuwa naye kwa sababu wanaume matajiri wanaomtuma na kukaa nao mezani mmojawapo yupo mpenzi wangu ambaye ananiweka mjini.

Mwenyekiti wa Bongo Muvi Steven Mengerem, 'Steve Nyerere'.

Baada ya Vivian kuzungumza, Steve Nyerere alimpigia mwandishi wetu na kudai kuwa yeye alikwenda kuwapatanisha na kuzuia kugombana kwa sababu yeye kama kiongozi ni kazi yake kufanya hivyo.
“Hivi nitakuwa na akili gani kuwaita wanawake wawili ambao ninatoka nao sehemu moja? Huo ni uzushi, hakuna kitu kama hicho kwani nina familia yangu,” alisema Steve Nyerere.

Read more >>

SANDRA ANAMKUBALI STEVE NYERERE

CHUKUA tano! Staa sinema za Kibongo, Salma Salim ‘Sandra’ amesema kuwa kutoka moyoni mwake anamkubali msanii mwenzake, Steven Mengere ‘Steve Nyerere’ baaada ya kupewa nafasi ya Ukatibu Kata ya Bwawani, Kinondoni jijini Dar kupitia Chama cha Mapinduzi (CCM).

Staa wa sinema za Kibongo, Salma Salim ‘Sandra’.

Akipiga stori mbili tatu  na mwandishi wa gazeti hili, Sandra alisema Steve Nyerere ni mtu ambaye anaweza kuwa kiongozi mahiri kwenye sekta mbalimbali ndiyo maana hata katika nafasi ya Mwenyekiti wa Klabu ya Bongo Movie ameleta maendeleo.

Salma Salim ‘Sandra’ akiwa na Steve Nyerere.

“Uongozi wa Steve ulianza kuonekana siku nyingi ndiyo maana wana-Bongo Movie tukamchagua na wakazi wa Bwawani nao wamempa ukamanda,” alisema

Read more >>

STEVE NYERERE AFUNGUKA MAZITO KUHUSU BIFU LAKE NA KOLETA

MWENYEKITI wa Klabu ya Bongo Movie, Steven Mengere ‘Steve Nyerere’ amefungukia madai ya kumtenga msanii mwenzao, Coletha Raymond ‘Koleta’ kipindi alipokuwa anaumwa.

Mwenyekiti wa Klabu ya Bongo Movie, Steven Mengere ‘Steve Nyerere’ (mwenye suti).

Awali, madai yalipenyezwa kuwa, klabu hiyo ilimtenga Koleta kipindi alipokuwa akiumwa ambapo alilazwa katika Hospitali ya Kairuki kwa kilichodaiwa hakuwa na ushirikiano kati yake na wasanii wenzie.
Akikanusha taarifa hizo pamoja na kutomchangia fedha, Steve alisema:

Msanii wa filamu Bongo, Coletha Raymond ‘Koleta’.

“Tukianza kusema kila anayeumwa tuwe tunamchangia wanachama watakimbia na mfuko tuliokuwa nao utaisha na tutashindwa kufikia malengo, lakini sikupata taarifa za ugonjwa kuhusu Koleta na hata ningezipata asingeachwa,” alisema Steve huku Koleta akisisitiza kuwa anatengwa.
“Sijui kuna nini kinaendelea kwa upande wangu na sifahamu kwa nini sipewi taarifa kwa wakati na uongozi wangu kama ilivyo kwa wasanii wengine wa Bongo Movie, najisikia vibaya sana,” alisema Koleta.

Read more >>