WASTARA JUMA AFUNDISHWA KUVAA VIMINI, KWENDA KLABU, NI SHIDAA

WIKI iliyopita tuliishia pale mwigizaji Wastara Juma alipokuwa akimwelezea mchumba wake wa pili alivyokuwa hajatulia kiasi cha kumchanganya na wanawake watatu tofauti. Leo anaelezea alivyokutana na majanga mengine kwa mwanaume mwingine.
ENDELEA KUTOKA ILIPOISHIA…
“Huyu mwanamke wa tatu baada ya kuondoka niliomba namba yake kwa mdogo wake huyo mchumba, nikampigia na kumuomba nionane naye. Bila hiyana alinikubalia, nilipoonana naye ndipo akanipasulia siri zote za yule mwanaume, iliniuma sana.
“Kutokana na ubishi wangu, nikawa kama siaminiamini, akaniambia kama siamini niende kuangalia albamu yake ambapo niliporudi kwao niliangalia albamu yake na kukuta picha akiwa na wanawake tofauti tena kimahaba, nilipotoka hapo sikurudi tena na aliponitafuta kwa simu nilimwambia simuhitaji tena.
Mwandishi: Baada ya kuachana na huyo mchumba ulimpata mwingine?
“Ndiyo nilikutana na mwanaume anaitwa Kushi ambaye hatukuchunguzana muda mrefu tukaoana, baada ya ndoa niligundua kwamba ni mlevi kupindukia, siyo mwaminifu na alikuwa mkorofi sana hivyo wiki moja baada ya ndoa tulipigana sana baa.
“Alikuwa akioa asubuhi na jioni kwani ndani ya ndoa yangu alioa wanawake watano na kuwaacha, alikuwa ni tajiri sana lakini alipenda starehe kupindukia hakuwa akinijali hata nguo ya ndani nilikosa nilikuwa navaa zilizochanika, nakumbuka nikiwa na ujauzito aliniambia maisha ni magumu niende nyumbani kwetu nirudi baada ya wiki mbili atakuwa ameshapata hela ya kodi ya nyumba.
“Wiki mbili nilizomuacha alioa mwanamke mwingine ambaye waliachana baada ya siku chache na kwenda Bagamoyo kwa mwanamke mwingine, maisha yake yakawa ndiyo hayo.
“Siwezi kumsahau huyu mwanaume na sitaki kumsikia kwa sababu aliniharibia dira nzima ya maisha yangu kwani kwake ndipo nilianza kuvaa suruali, kwenda klabu na baa wakati kabla ya hapo nilikuwa sivijui kabisa vitu hivi, alikuwa hataki niwe na marafiki akiona nina rafiki wa kike anatembea naye, kutokana na mateso hayo ilipofika mwaka 2001 tuliachana ikiwa ni baada ya kuishi kwa mwaka mmoja tu katika ndoa.
Mwandishi: Je nini kiliendelea baada ya kuachana na Kushi?
“Nilianza maisha yangu mwenyewe mpaka mwaka 2003 nikakutana na Msafiri Kondo (Solo Thang) ambaye tulikutana kwenye kazi baada ya tamasha ndiyo tukaanzisha uhusiano wa kimapenzi kwa muda mfupi nikapata ujauzito ndipo akarudi Kushi na kuomba msamaha.
“Alipoona nakataa kumsamehe akachunguza niko na nani akagundua ndipo alipomfuata Msafiri na kumtishia kwamba atamloga, nikamwambia Msafiri asihofu lakini akawa bado ana wasiwasi lakini naye sikumchunguza sana kabla kwani nilikuja kugundua kwamba alikuwa na mwanamke mwingine.
“Nilijifungua mtoto akiwa na siku tano Msafiri alisafiri na kwenda Ulaya ambako huko alioa na kuzaa watoto wawili hivyo akawa ananitumia matumizi ya mtoto mara mojamoja kwa hiyo kuanzia hapo nikawa nawalea wanangu wawili mwenyewe.
“Nilikaa mwenyewe na wanangu kuanzia mwaka 2004-2006 ambapo mwaka 2006 nilirudi rasmi kwenye sanaa ya filamu kwani mwanzoni nilifanya nikiwa shuleni.Wastara amezungumza vitu vingi kuhusu maisha yake. Usikose sehemu ya mwisho ya makala haya wiki ijayo!

Read more >>

WASTARA NA JACOB STEVEN JB WAKUTWA WAKIWA KATIKA PICHA ZA KIMAHABA, ZIONE HAPA

Read more >>

WASTARA AFANYIWA FUJO NA NJEMBA

Staa wa sinema za Kibongo, Wastara Juma amejikuta kwenye wakati mgumu baada ya njemba mmoja ambaye hakufahamika kujitokeza na kumpiga mkwara asiendelee na shughuli za uzinduzi wa filamu yake.

Staa wa sinema za Kibongo, Wastara Juma Wastara akizindua filamu yake ya Last Decision.

Tukio hilo lilijiri wikiendi iliyopita wakati Wastara akizindua filamu yake ya Last Decision katika mitaa mbalimbali ya Jiji la Dar.

Njemba iliyodai kuwa ni Afisa Mtendaji katika maeneo ya Mbagala-Zakhem, Dar akijaribu kumzuia Wastara katika uzinduzi huo.

Staa huyo alipofika maeneo ya Mbagala-Zakhem, Dar ndipo njemba huyo alipojitokeza na kumtaiti Wastara akidai yeye ni Afisa Mtendaji hivyo waondoke eneo hilo.
Hata hivyo, Wastara alionesha vibali vya kufanya shughuli hiyo ndipo njemba huyo alipotaitiwa na wananchi na kuambiwa achukue taimu.

Uzinduzi wa filamu ukiendelea kama kawaida.

“Jamani hata sielewi kibali nimeshalipia na ninacho lakini angalia huyu baba ametuharibia siku wakati mimi nimeamua kufanya uzinduzi wa tofauti mitaani na si kwenye kumbi kama wengine,” alisema Wastara.

Read more >>

NAY WA MITEGO: NILIKUWA MWIZI BALAA, SOMA HISTORIA YAKE HAPA

CONFESSION! Kwa mara ya kwanza staa wa Bongo Fleva, Emanuel Elibariki ‘Nay wa Mitego’ ameibuka na kuuelezea upande wa pili wa maisha yake kuwa kabla hajawa mwanamuziki alikuwa mwizi balaa!
Akizungumza na paparazi wetu ana kwa ana jijini Dar es Salaam juzi, staa huyo alikiri kupitia katika majanga kibao maishani mwake likiwemo la kulala katika vituo mbalimbali vya polisi vya jijini Dar kufuatia kufanya matukio ya uhalifu.

Staa wa Bongo Fleva, Emanuel Elibariki ‘Nay wa Mitego’

“Kwanza kabisa nilikuwa nalala Feri na watoto machokoraa. Nilikuwa naona ndiyo maisha japokuwa nilijua kuna maisha mengine mazuri zaidi lakini ningeyapate?
“Dah! Yaani kusema kweli nilipita kwenye majanga makubwa sana jamani! Anyway, kimsingi ukweli wa maisha yangu siwezi kuuficha maana nitakuwa najiongopea bure kwani ni kweli niliishi katika maisha ya matukio sana,” alisema Nay.
Akizidi kutiririka mbele ya kinasa sauti cha Amani, Nay ambaye kwa sasa anatamba na wimbo wa Mr Nay aliweka bayana kwamba kwa nyakati tofauti aliwahi kuiba  vitu mbalimbali (hakupenda kuvitaja) kwa watu wa karibu yake akiwemo Prodyuza Paul Mathysse ‘P Funk’ na kwenye studio moja iliyopo maeneo ya Mwenge jijini Dar.
“Enzi zangu nilikuwa balaa, Majani mwenyewe (P. Funk) nilishawahi kumliza, nakumbuka pia kuna jamaa zangu walikuwa na studio ya muziki pale Mwenge nao niliwapiga.
“Tena hawa jamaa wa studio nakumbuka walikuja kinitaiti nikiwa kwenye msiba, wakanitia pingu na kunipeleka kituo cha polisi lakini bahati nzuri marehemu John Mjema, alikuwa mshikaji wangu sana, akaja kunitoa,” alisema Nay.

'Nay wa Mitego’ akifanya shoo.

John Mjema ‘Bomba la Mvua’ alikuwa mwanamuziki wa Kizazi Kipya, alifariki dunia Februari 10, 2008 kwa kujichoma kisu cha shingo nyumbani kwake Mtoni Kijichi jijini Dar.
Nay akaongeza: “Kulala polisi nadhani ni kama mara saba hivi na mara zote aliyekuwa akinitoa ni John Mjema. Yeye wakati ule alikuwa akifanya kazi kule maeneo ya Feri.
Pamoja na matukio hayo ambayo Nay ameyafanya, alisema alishatubu na kumwomba Mungu amsamehe kwani anaamini ujana ndiyo ulikuwa ukimsumbua.
“Yaliyopita si ndwele, kwa sasa naganga yajayo maana muziki unanilipa na naendelea na harakati zangu kama kawaida, nilishasahau hayo matukio ya ajabuajabu,” alimaliza Nay.
Miongoni mwa mafanikio makubwa aliyoyapata msanii huyo kupitia muziki wa Bongo Fleva ni kujenga nyumba Kimara-Rombo jijini Dar na gari la kutembelea aina ya Nissan Murano.

Read more >>

WASTARA:NATAMANI MWEZI MTUKUFU USIMALIZIKE MAANA UNANIFANYA NIWE KARIBU NA MWANANGU, SOMA ZAIDI HAPA

Mcheza filamu mwenye jina kubwa Tanzania Wastara Juma Issa amesema anatamani mwezi mtukufu wa ramadhani usimalizike maana unamfanya anakuwa karibu na mwanae

Amesema mwezi huu shughuli za sanaa amesimama hivyo anashinda nyumbani tofauti na miezi mingine ambayo anakuwa kwenye miangaiko ya kuandaa filamu hivyo muda mwingi anashinda na kipenzi chake Frheen

'Unajua mara nyingi na kuwa bize na kazi kwenye miezi ya kawaida hivyo siwi karibu na mwanangu lakini mwezi huu sifanyi kazi za sanaa nashinda nae yani natamani mwezi usihishe"

Wastara anatarajia kuachia filamu yake mpya ya Last Decision inayotoka mwezi ujao akiwa amemshirikisha Hemedy Suleiman na wasanii wengine wengi. 

 

kama huja like ukurasa wetu wa facebook fanya hivi sasa ili habari ziwe zinakuijia punde tu zinapoweka kwenye mtandao huu bonyza hapa

Read more >>

WASTARA: NIMEGUNDUA WANAUME WENGI WANATAKA KUNIOA ILI WANITUMIE

Msanii wa filamu Bongo, Wastara Juma amefunguka kuwa tangu mume wake Juma Kilowoko ‘Sajuki’ afariki dunia, wamekuwa wakijitokeza wanaume kibao wakitaka kumuoa lakini amegundua wengi wana nia ya kunitumia tu.

Msanii wa filamu Bongo, Wastara Juma.

Akizungumza na mwandishi wetu hivi karibuni, Wastara alisema kama mwanamke amekuwa akitamani kumpata mwanaume wa kumfariji lakini kinachomchanganya ni sampuli ya wanaume wanaotuma maombi kwake.
“Mpaka sasa wameshanitokea wanaume zaidi ya kumi lakini wengi wao nawaona wananitaka ili kujua nini nilichonacho na wengine wananifuata wakidhani watapata mali na si mapenzi ya dhati.
“Kimsingi wanataka tu kujua Sajuki alidata na nini kwangu, mimi siko hivyo. Siwezi kumruhusu mtu aingie kwenye maisha yangu kwa masilahi yake. Ninayemhitaji namjua moyoni na ipo siku nitampata kwani siangalii mfuko wa mtu, naangalia tabia,” alisema Wastara.

Read more >>

MTITU AMCHAMBA WASTARA NA KUSEMA " WASTARA ALIMKOSEA MAREHEMU"

BIG boss wa Kampuni ya Five Effect, William Mtitu amemtolea uvivu msanii wa filamu Bongo, Wastara Juma kwa kumwambia kuwa, alimkosea sana marehemu Sheila Haule ‘Recho’ kwa kutomzika.

BIG boss wa Kampuni ya Five Effect, William Mtitu

Akizungumza na mwandishi wetu, Mtitu alisema marehemu Recho alikuwa mtu wa kujitoa katika matatizo mbalimbali ukiwemo msiba wa mume wa Wastara, Juma Kilowoko ‘Sajuki’ lakini alishangaa kutomuona kwenye msibani huo na alipomchana laivu akakasirika na kutangaza bifu.

Staa katika tasnia ya filamu Bongo Wastara, Juma

“Nilimchana laivu kwani alimkosea marehemu, alipaswa kwenda kwani hakuwa na sababu ya kueleweka zaidi ya kwenda bungeni kitu ambacho angeweza kukiacha kikawakilishwa na mtu mwingine,” alisema Mtitu.Kwenye utetezi wake juu ya kutoonekana msibani, Wastara alisema hakuwa na jinsi kwani alikwenda bungeni mjini Dodoma kuwawakilisha wasanii wenzake.

Read more >>

WASTARA APINGA MASTAA KUAGWA LEADERS

ANA hoja? Mkali wa sinema za Kibongo, Wastara Juma amepinga kitendo cha mastaa wa Bongo kuagwa Viwanja vya Leaders Club, Kinondoni jijini Dar wanapokutwa na umauti.

Mkali wa sinema za Kibongo, Wastara Juma.

Akizungumza na gazeti namba moja la habari za mastaa na kijamii Bongo, Ijumaa Wikienda juzikati, Wastara alieleza kwa huzuni kubwa kuwa hafurahii eneo la Leaders kutumika kuagia kwa sababu ni eneo hilohilo ambalo hutumiwa kwa starehe.

Wastara Juma akiwa katika moja ya msiba wa wasanii wa Bongo Muvi .

“Ukweli kwa upande wangu napinga mastaa kuagwa Leaders kwa sababu Leaders mara nyingi hutumika kama sehemu ya anasa. “Ningeiomba serikali itutafutie sehemu maalum kwa ajili ya kufanyia shughuli zote za misiba ya watu maarufu,” alisema Wastara

Read more >>

HII NDO BIASHARA MPYA ALIYOFUNGUA WASTARA

Wastara akiosha kari kwenye ufunguzi

Mtangazaji wa kipindi cha action and cut Bond bin sinann akiosha gari na wastara

baadhi ya wana tea wastara wakiwa na kiongozi wao wastara kwenye picha ya pamoja

wastara na jerry wakiosha magari

msanii Dino wa bongo movie akiosha gari

Read more >>

WASTARA AJITABIRIA KIFO CHAKE, TIRIRIKA ZAIDI HAPA

Wastara Juma.

Stori: Gladness Mallya na Hamida Hassan
OOOH! Zikiwa zimepita siku chache tangu staa wa filamu Bongo, Wastara Juma kunusurika kifo baada ya kudaiwa kunywa sumu na baadaye kupata ajali, anadaiwa kusumbuliwa na roho wa kifo.
Kupitia ukurasa wake katika Mtandao wa Kijamii wa Instagram, Wastara aliweka picha za wasanii mbalimbali huku akimwelezea kila mmoja alivyo na mwishoni mwa maelezo hayo alimalizia kwa kusema kuwa ameamua kusema kabla hajafa kwani kifo hakiko mbali.
00Baadhi ya mastaa aliowaelezea ni Tamrina Poshi ‘Amanda’, Denis Swea ‘Dino’, Jacob Steven ‘JB’, Steven Mengere ‘Steve Nyerere’, Halima Yahya ‘Davina’, Riyama Ally, Salma Jabu ‘Nisha’.
Wengine ni Cloud, Lamata, Bondi, Msafiri Kondo na wengineo ambapo baada ya kumuelezea kila mmoja, chini alikuwa akiandika ujumbe huu:
“Sababu ya kufanya hivi, sisi ni binadamu na kifo hakiko mbali, naweza nikafa kabla sijasema lolote kwa watu wangu.”
WASTARA ANASEMAJE?
“Niliandika maneno hayo ili wasanii wote waliowahi kunitendea wema wajue kwamba wao ni watu muhimu sana katika maisha yangu, wapo wengi lakini sikuweza kuwashukuru wote kwa sababu wakati naandika hivyo nilikuwa kwenye hali mbaya sana.
“Unajua siku moja nitakufa maana kifo kiko karibu sana hivyo watakumbuka maneno yangu hayo niliyoandika ya kuwashukuru,” alisema Wastara.
Baada ya kuwaelezea kwa kuwaandikia waraka huo, mashabiki mbalimbali waliopo kwenye mtandao huo walionekana kusikitishwa na maneno hayo na kujikuta wakimuuliza maswali yasiyokuwa na majibu kwa wakati huo huku wengine wakidai kuwa Wastara anasumbuliwa na roho wa kifo.

Read more >>

WAATARA AWEKA PICHA ALIYOGA AKIWA NA NJEMBA NA KUKAA POZI TATA NA KUSEMA MANENO SHUNTUU, YASOME HAPA

Leo majira ya asubuhi msanii wa Bongo movie aliweka picha huku akiwa amekumbatiwa na mwanaume na kusema kuwa "nimemisi kumbatio la huba" kutokana na kauli hiyo wadau wameweka maswali mengi na kuuliza je huyu ndiye mume mtarajiwa wa Wastara au la. swahiliTz tunatafuta ukweli wa swala hili kisha tutalifikisha kwenu wadau wa Tovuti yetu.

Read more >>

WASTARA ANYWA SUMU KWA MADHUMUNI YA KUJIUA

Stori: Gladness Mallya
IKIWA imetimia mwaka mmoja na miezi kadhaa tangu kifo cha mumewe, Juma Kilowoko ‘Sajuki’, staa wa filamu za Kibongo, Wastara Juma, Jumamosi iliyopita amedaiwa kufanya jaribio la kutaka kujiua kwa kunywa sumu.
Wastara akiwa kitandani baada ya kunywa sumu.

KABLA YA YOTE
Awali, staa huyo ambaye amepitia mitihani mingi, alitundika picha katika Mtandao wa Kijamii wa Instagram na kulalamika kuumwa tumbo.
Katika maelezo aliyoyaandika sambamba na picha hiyo, Wastara alimshukuru msanii mwenzake, Tamrina Poshi ‘Amanda’ kwa msaada aliompatia kwa kuwa alikuwa katika hali mbaya.

SUMU YATAJWA
Siku chache baada ya kuweka picha hiyo, Risasi Mchanganyiko lilipata kisa kizima kupitia kwa chanzo chake makini kuwa staa huyo alisumbuliwa na maumivu ya tumbo baada ya kuokolewa katika jaribio lake la kutaka kukatisha uhai wake kwa kunywa sumu. SUMU ILIYOTUMIKA
Inadawa kuwa Wastara aliamua kunywa vidonge aina ya fragile kwa kuchanganya na pombe kwa lengo la kukatisha uhai wake ili kuondokana na manyanyaso anayoyapa kutoka kwa baadhi ya watu.

HAUSIGELI AOKOA JAHAZI
Inadaiwa kuwa wakati staa huyo akiwa chumbani kwa lengo la kujiua, msaidizi wa kazi ‘hausigeli’ aliingia chumbani humo kwa nia ya kufanya usafi ndipo alipomkuta Wastara akiwa analia huku amejiinamia.

“Hausigeli alijaribu kumuuliza sababu ya kilio chake lakini Wastara hakumjibu kitu, aliendelea kulia bila kikomo,” kilisema chanzo hicho.
Inadaiwa kuwa baada ya kutojibiwa kitu, hausigeli huyo alitoka na kumfuata Amanda ambaye alikuwa katika chumba kingine na kumweleza hali aliyomkuta nayo Wastara chumbani humo.

AMANDA APATWA NA MSHTUKO
Baada ya kuingia chumbani kwa Wastara, Amanda alipatwa na mshtuko mkubwa alipomkuta shoga’ke akiwa na baadhi ya vidonge mkononi na kumuuliza kisa cha kutaka kumeza vidonge hivyo.
“Wastara alimwongopea Amanda kwamba vidonge hivyo ni kwa ajili ya kujitibia mguu wake lakini Amanda hakukubaliana na maelezo hayo baada ya kuiona chupa ya bia iliyokuwa pembeni, kwa kuwa anafahamu Wastara siyo mnywaji wa pombe, ndipo alipobaini lengo lake la kutaka kujiua,” chanzo kiliendelea kushusha data hizo.

Chanzo hicho kimesema kuwa Amanda alimpatia huduma ya kwanza shoga’ake huyo kwa kumnunulia maziwa na kumpeleka katika dispensari ya karibu ili kupata matibabu zaidi ya kuondoa sumu ya vidonge alivyovimeza.

SABABU ZA KUTAKA KUJIUA
Kwa mujibu wa chanzo kingine cha habari, Wastara alitaka kukatisha uhai wake kutokana na kuchoka kunyanyapaliwa, kudhalilishwa na kutongozwa mara kwa mara na wanaume, hali ambayo imekuwa ikimfedhehesha mbele ya jamii.

Chanzo hicho kimesema kwamba kabla ya tukio hilo, Wastara alikuwa akilalamika kudhalilishwa na watu anaowadai fedha zake ambao hawataki kumlipa haki yake.
“Kuna watu wengi ambao Wastara anawadai lakini wanamsumbua kwa kumuona ni mwanamke asiye na nguvu na wengine wanatumia mwanya huo kumtongoza, mwenyewe anaamini haya yote yanatokea kwa kuwa Sajuki hayupo,” kimetoboa chanzo hicho.

Habari zaidi zinadai kwamba hivi sasa Amanda anaendelea kumwekea ulinzi wa karibu Wastara ili asiweze kuchukua uamuzi mbaya wa kukatisha maisha yake.
Baada ya kuyapata madai hayo, mwandishi wetu alimpigia simu Wastara ili kupata undani wa tukio hilo lakini kwa muda mrefu simu yake ilikuwa ikiita bila ya kupokelewa.
Jumapili iliyopita Risasi Mchanganyiko lilimtafuta Amanda ili kuweza kupata ukweli wa madai hayo na kumuuliza kama bado yupo kwa Wastara.

HUYU HAPA AMANDA
“Wastara amepatwa na matatizo, kwa kuwa ni rafiki yangu ambaye aliwahi kunisaidia siku za nyuma niko naye kumfariji…” alisema Amanda.
Risasi Mchanganyiko: Hivi amepatwa na matatizo gani?’
Amanda: Ya kawaida tu.
Risasi: Inadaiwa kuwa amekunywa sumu?
Amanda: Miye siyo msemaji wake, ila elewa kuwa amepatwa na matatizo, si umpigie kwenye simu yake uzungumze naye?
Risasi: Simu yake haipokelewi ! Kama uko naye karibu nipe basi nizungumze naye?
Amanda: (kimya kidogo halafu)… Siko naye hapa.
Risasi Mchanganyiko: Wewe uko kwa Wastara tangu lini?
Amanda: Nina muda kiasi kwa kuwa kuna kazi tulikuwa tunataka kufanya.
Baada ya kuachana na Amanda, jioni ya Jumapili iliyopita Risasi Mchanganyiko lilimtafuta tena kupitia simu yake ya kiganjani Wastara na kumpata.
Wastara: Haloo
Risasi Mchanganyiko: Naongea na Wastara…?
Wastara: Eeeh ndiyo miye.
Risasi Mchanganyiko: Pole na matatizo.
Wastara: Asante, lakini nazungumza na nani?”
Risasi Mchanganyiko: Mwandishi wa habari wa Global Publishers, nasikia umekunywa sumu kwa lengo la kutaka kujiua….
Hata hivyo, upande wa pili wa simu haukuwa tena hewani, mlio wa kukatika kwa simu hiyo ulisikika.
Jitihada za kumpigia simu Wastara ziliendelea lakini hazikuweza kuzaa matunda kwani iliita bila ya kupokelewa na baada ya muda simu yake haikuwa ikipatikana tena.

TUJIKUMBUSHE
Mwaka 2008, Wastara kabla ya kufunga ndoa na Sajuki alipata ajali ya pikipiki iliyosababisha kukatwa mguu na kuwekwa mguu wa bandia.
Mwaka 2009, Wastara na Sajuki walifunga ndoa ya kihistoria na kuwavutia watu wengi.
Lakini Januari 2, 2013, staa huyo alipata pigo la kufiwa na mumewe huyo baada ya kumuuguza kwa muda mrefu na kuzua simanzi kwa watu wengi.

CREDITS: GPL

Read more >>